Ish-kryeministri Sali Berisha ka reaguar pas ndarjes nga jeta të gazetarit, analistit dhe publicistit të njohur Artur Zheji. Përmes një postimi në rrjete sociale, Berisha shprehu ngushëllimet e tij për familjen, miqtë dhe të afërmit e Zhejit.
“Gazetari, analisti, botuesi, publicisti i mirënjohur Artur Zheji mbylli sot, papritmas dhe parakohe, sytë përgjithmonë. Duke shprehur ngushëllimet e mia më të ndjera familjes, miqve, të afërmëve, unë lutem së bashku me ta që shpirti i Arturit të tyre të dashur të gjejë paqen e merituar. Amin”, shkruan Berisha.
