EMRI: Arrestohet ish kandidati i PD dhe miku i Lulzim Bashës për…

Detaje të reja janë mësuar në lidhje me operacionin “Fake Star 5”, ku u zbuluan dy fabrika të mëdha me veshje kontrabandë të cilat më pas falsifikoheshin me marka luksi fake.

Një prej personave i përfshirë në këtë grup është edhe Luan Haka, kandidat për deputet i Partisë Demokratike në vitin 2021, kur drejtohej nga Lulzim Basha.

Po ashtu, Haka ka kandiduar edhe si kryetar bashkie në Dibër në zgjedhjet e pjesshme lokale të vitit 2022.

Gjatë operacionit “Fake Star 5”, u shpall në kërkim edhe djali i Luan Hakës, Lindion Haka. Të dy ishin bashkadministratorë të njërës prej magazinave.

Po ashtu në pranga u vu edhe Ali Bushati dhe Xhuljo Lecaj, të cilët ishin bashkadministratorë të magazinës tjetër.

U arrestua edhe Arjan Hida, qiradhënës i pronave, ndërsa u shpall në kërkim shtetasi turk Ozkan Sulun, i cili koordinonte realizimin e këtyre veprimtarive kriminale.

OPERACIONI

Policia e Shtetit finalizoi operacionin kundër kontrabandës dhe falsifikimit të produkteve të markave të njohura ndërkombëtare. Operacioni, i koduar “Fake Star 5”, u zhvillua nga Sektori për Hetimin e Krimit Ekonomik dhe Financiar në Drejtorinë për Hetimin e Krimit Ekonomik dhe Financiar në DPPSh.

Gjatë këtij operacioni, në zonën e Rrugës së Arbërit, konkretisht në fshatin Brrar, u zbuluan dy magazina ku stampoheshin veshje të kontrabanduara me logo të falsifikuara të markave të njohura. Policia arrestoi 4 shtetas, shpalli në kërkim 2 të tjerë – njëri prej të cilëve shtetas turk – dhe procedoi penalisht në gjendje të lirë 4 punonjës.

Leave a Reply

Your email address will not be published. Required fields are marked *