Pas sulmeve të Kryeministrit ndaj Prokurorisë Shkodër dhe konkretisht ndaj drejtuesit të Prokurorisë dhe Prokurores Elsa Gjeli ka pasur debate të shumta mbi mosreagimin e Këshillit të Lartë të Prokurorisë.
Ditën e sotme ka reaguar dhe vetë prokuroria Elsa Gjeli ku ka kërkuar reagimin e KLP lidhur me situatën e krijuar dhe presionet politike.
Në një reagim publik Avokati Arlind Hoxha e ka cilësuar mosreagimin e KLP si alarmant dhe mbi kapjen e pushteteve dhe mospavarsinë e KLP
Avokati Hoxha shprehet:
Në një shtet demokratik funksional, pushteti ndahet në tre shtylla kryesore:
- Pushteti legjislativ 2. Pushteti ekzekutiv 3. Pushteti gjyqësor**
Kryeministri, si përfaqësues i pushtetit ekzekutiv, nuk ka rol në përcaktimin e karrierës apo ecurisë profesionale të prokurorëve, dhe çdo ndërhyrje e tillë cenon rëndë e ndarjen e pushteteve.
Prokurorët janë të lirë të ushtrojnë detyrën e tyre pa frikë, pa favor dhe pa ndërhyrje, duke theksuar mekanizmat e vetëinstitucionit për të garantuar integritetin dhe llogaridhënien.
Mosreagimi i Këshillit të Lartë të Prokurorisë (KLP) ndaj deklaratave të Kryeministrit, në të cilat ai përmend me emra prokurorë dhe aludon për “fatet” e tyre është akoma më shqetësues sesa deklaratat politike të Kryeministrit.
Kapja e të gjitha institucioneve dhe mospavarësia është minimi i demokracisë dhe shtetit të së drejtës.
Mosragimi i KLP si në rastin kur lidërët e opozitës sulmuan kreun e prokurisë së posaçme Altin Dumani tregon njëanshmërinë e KLPsë.
