Rama prezanton kabinetin e ri qeveritar
Analisti dhe gazetari Ilir Vata ka publikuar listën e kabinetit të ri qeveritar të Kryeministrit Edi Rama, i cili do të udhëheqë mandatin e katërt të Partisë Socialiste. Në ekipin e ri vërehen disa emra të rinj, por edhe figura të njohura të politikës shqiptare.
Lista e ministrave të kabinetit “Rama 4”
- Zëvendëskryeministër – Behgjet Pacolli (për herë të parë një personalitet nga Kosova në këtë rol)
- Ministër i Drejtësisë – Ulsi Manja
- Ministër i Brendshëm – Agron Malaj (për herë të parë një përfaqësues nga Mati në këtë post)
- Ministër i Mbrojtjes – Taulant Balla
- Ministër për Marrëdhëniet me Parlamentin – Niko Peleshi
- Ministre e Mjedisit – Mirela Kumbaro
- Ministre e Shëndetësisë – Albana Koçiu
- Ministre e Arsimit – Elisa Spiropali
Ky kabinet shënon një risi me përfshirjen e Behgjet Pacollit nga Kosova në rolin e Zëvendëskryeministrit, duke theksuar edhe më tej lidhjet mes Tiranës dhe Prishtinës. Gjithashtu, prania e Agron Malajt si ministër i Brendshëm është një hap i ri për përfaqësimin e zonave që deri më tani nuk kishin pasur zë në nivelet më të larta të qeverisjes.
Kabineti “Rama 4” duket se synon të kombinojë eksperiencën me energjinë e re politike, ndërsa pritet të shihet si do të reflektohen këto ndryshime në drejtimin e vendit.
